ಮನಸ್ಸೇ ಎನ್ನ  ಮನ್ನಿಸು
ಸೃಷ್ಟಿಯ ವಿಸ್ತಾರ ನೀನು

ದೇಹದ ಸೀಮಿತ ನಾನು

ನನ್ನ ನಿನ್ನ  ನಂಟೇನು ?

ಮಂದಸ್ಮಿತೆಯೆ , ಮನೋಜ್ಯೋತಿಯೇ
ಅಕ್ಕರೆಯಿಂದ ಕರವ ಹಿಡಿದವಳೆ
ಕಾವ್ಯಾಮ್ರುತವ ಹರಿಸುವವಳೆ
ನಿನಗಿರಲಿ ನನ್ನ ಭಕ್ತಿಯ ಕಟ್ಟಳೆ .

ಸಾಕು ಸಾಕೆನಗೆ 

ತೀರದ ಈ ಹಂಚಿಕೆ 

ಬೇಕು ಬೇಕೆನಗೆ 

ಸಾವಿಲ್ಲದ ಸಂಚಿಕೆ .

ಹೃದಯ ಮಂದಿರಕೆ ದಾರಿ ಯಾವುದು?
ಅದರ ಕದದ ಕೀಲಿ ಯಾವುದು?
ಅದ ಬೆಳಗುವ ಜ್ಯೋತಿ ಯಾವುದು?
ನಿನ್ನ ಕೃಪೆಯಿಲ್ಲದೆ , ಏನೂ ಕಾಣದು.

ತರತರ ಗೀಳಿನ ಬಾಳು 

ಹೊಸಹೊಸ  ಗೀಳಿನ ಗೋಳು 

ಬೀಳದೆ ಬಲೆಗೆ ಸ್ವಲ್ಪ ತಾಳು 

ಗೀಳು ಗೋಳಿಲ್ಲದ ಜೀವನ ಬಾಳು